報導有否誇大?
以下係蘋果日報2011年7月4日嘅新聞, 大家認為有否誇大
【本報訊】為迎接 8月舉行的世界大學生運動會（簡稱大運會），深圳當局近月嚴打黃賭毒以清洗太平地。「召妓」、「 take嘢」斷正心甘命抵，但有港人隨意在街上接到色情場所派發的卡片亦無辜坐監（行政拘捕） 5日，還要經歷男女同囚，如廁、洗澡也無遮無掩的囚禁，有「監頭」（拘留所主管）更揚言：「三樓裝修緊，至少可容納多 600人！」預料未來一個月拘捕行動將進入高潮。
在深圳市羅湖區拘留所外牆，掛有「積極開展『保平安大運、促快樂監管、迎建黨華誕、促監管發展』主題競賽」大型橫額，顯示市政府清洗太平地，狂拉吸毒和嫖妓犯來整頓治安的決心。
趕十幾萬人離深圳
「接一接張卡片就坐 5日，仲成世界？」 40多歲、任職運輸司機的港人阿強（化名），因在朋友家中吸毒被撞破，須接受行政拘留 15日，他說：「我有個朋友冇份食都照拉。」但最恐怖的是，他的「倉友」單單在街上接了一張色情場所的卡片，亦照拉可也，「佢話嗰日行過香格里拉（酒店）旁邊嘅王子客棧門口，接張卡片就中招，連派嗰個都拉埋」。阿強最氣憤的是，拘留期間不准打電話，「失蹤」 15天內無法與外間聯絡，令他連工作也丟掉，「就咁被老細炒咗，有倉友仲連份公積金都冇埋，好慘」。
阿強相信近月在深圳捲起的一場滅罪風暴，全因 8月 12日開幕的「大運會」，「監頭同我哋講，話為咗迎大運，要趕十幾萬人離開深圳，三無、盲流、港人蒲友都係佢哋嘅目標，唔走就拉」。
監倉中約兩成港人
阿強又說：「認打飛機（接受手淫服務）就坐 5日，認叫雞（嫖妓）、吸毒就坐 10日，唔認就 15日」。如此強硬手段，令不少無辜港人「坐寃獄」，阿強慨嘆：「唔係個個香港人都知嗰啲係架步、邪骨，以為係一般桑拿按摩，有人派卡片咪接囉，點知接咗就出事。」
「蒲精」阿強縱橫深圳多年，行政拘留乃首次。出事後，他隨即被帶往羅湖區草埔拘留所，關在二樓囚室，「嗰度都唔係人住 o架，食屙都響嗰度，又臭又熱，啲衫同被都唔知幾多手，冇洗過 o架，仲要 30幾個犯困埋一齊！」就他所見，該處約有十個監倉，每個面積 300餘呎，跟他同倉中約兩成是港人，「嗰度每日都有好多人出出入入，監頭話𠵱家三樓裝修緊，相信大運前會拉更多人」。
在大陸坐監連一些基本尊嚴也沒有，「男同女雖然唔同倉，但男倉友行去吸煙房會經過女囚倉，得塊超透磨砂玻璃隔住喺入面冲凉換衫，仲唔畀人帶 bra，乜都睇晒」。由於拘留期間隔天才獲發一支煙，阿強則親睹有女囚犯為多抽一口煙，竟公然拉起上衣讓男獄警眼睛吃冰淇淋。他更直言，女囚犯當中不乏港女，她們多是因「叫鴨」或吸毒被捕。
另一「衰嫖妓」的港人阿偉（化名）光顧色情髮廊時被捕，他更目擊同場一名港人才剛脫褲便被闖入的KO拉走，最終因不認罪而被行政拘留 15日，「以前行政拘留都有價講，多數罰款了事，估唔到今次咁大陣仗」。他更得悉有數名倉友因為打麻雀時枱面擺放了數十元，亦被指非法聚賭而拘留 5日。
嫖妓熱點水盡鵝飛
「有獄警話，呢段時期全國會調動好多KO同警犬落嚟深圳。」看來掃蕩行動才剛揭開序幕。記者日前到過港人「嫖妓熱點」水圍及向西村，果然有大批KO車停泊在春風路 Neway和人間新潮後街，弄得一帶水盡鵝飛。
【本報訊】大陸通脹問題嚴重，就連坐監的「消費」亦瘋狂飆升。據「衰吸毒」的阿強在拘留所內取得的一份名為「羅湖區拘留所購物價格公開欄」的通告顯示，囚犯可購買 22種生活必需品。
在囚禁的 5日「非人生活」中，早餐只有白粥，午餐及晚餐也是青菜加白飯，甚至是生米，阿強直言：「都唔係人食 o架，難食到不得了，想搵嚿肉食吓都難，起碼瘦咗 15磅！」
日用品自費 ¥ 180一盒餅
想飽肚惟有買零食，難怪餅乾價格最貴，最貴為葱油餅乾，一盒售 180元人民幣（下同），其次是朱古力餅，一盒 110元。如果想吃水果，更要多花 90元人民幣買一盒，嫌白粥淡口就可買榨菜混入，每包 1元。加上其他生活必需品，如漱口盅、毛巾、紙巾等也要自費，最平宜的牙刷賣 2元一支，結果共花掉他 700多元。
坐監「冇啖好食」也很正常，但獄中生活更相當「不人道」。「衰嫖妓」的阿偉就表示一份名為「被拘留人一日生活制度」的通告：「朝早七點半起身，摺好被就全日唔准再拿被，度度污糟邋遢，企又唔係坐又唔係。」
被拘留者每日早午要唱國歌，九時半便開始第一輪「洗腦」，包括儒家思想教育、談話教育、法律學習及測驗、愛國教育等。阿偉坦言，戴眼鏡的囚犯最受罪，甫入冊就被沒收眼鏡，「仲要係咁睇法制教育台啲片，電視機又勁多雪花，點睇呀」。
經過全日 5次「洗腦」程序後，以為終於「有覺好瞓」，豈料倉內奉行「開燈」政策，「平日大陸連街燈都冇，但喺倉度就光燦燦，我頭兩晚都失眠，有個港仔直頭話想死」
(14)：本版只供報告分享，其他網絡資訊會移送到吹水站內發表！
[ 本帖最後由 好淫一個 於 2011-7-13 22:01 編輯 ]
