早幾日經過土瓜灣某地舖按摩店(應該開業不久)，打過電話確實有空有涼沖才入內....老闆娘開門(陀北幾靚女，假如時光倒流十幾年！)，入內...地方淺窄(得兩間房一條走廊一個廁所咁大把)，再睇真啲其中一間房半掩(即係有客)、女得一條，斯時已想走，老闆醒目~先沖個涼，好快就搞掂！
沖涼房一般，唔合格！唯白雪雪大毛巾新淨極厚身值得一讚，出來時，成屋女人(應該說，成條冷行企多左幾個老女人)...老闆娘解釋，這是她老師帶同其兩個學生來參觀...此時好想掉低120蚊走人！
不過又不忍心人家新店開張不久有客來訪...談得興緻勃勃之時我就成盤冷水淋落嚟！於是原本想雙鐘推油即改為按一粒鐘算數！點知佢又話不如試試其師傅手勢，是Q旦啦(心諗快快趣趣過45分算數！)...佢老師傅都唔知係唔係末從模過咁強壯高大有型要乜肌有乜肌嘅男人，按來好似青蜓點水(仲一路對其學生講解這是xx穴，xx穴應該點按應該點用力...幾乎想爆粗，挑→我又唔係示範公仔我要俾錢架！)，一啲都冇骨場老師傅味道！(所以估計是坊間中醫推拿師傅...因本人未試過中醫推拿手法！)
老師傅按時老闆在看，另一位老學生也在看，老闆提議不如俾佢賺番粒鐘錢，(是Q旦啦)...於是變成四手按摩，一個推死牛咁嘅力，一個繼續青蜓點水解釋穴道(一啲雙飛感覺都沒有，只覺兩對手完全唔match！)...過左冇耐，老學生又出埋手，變成六手按摩，老學生不知是否啱啱耕完田嚟，手板粗過我腳板多多聲！
呢45分鐘是小弟行十多年嚟行走“骨場/按摩場/足浴...最難過之一粒鐘
，好不容易捱完沖涼走人，老闆仲笑住口咁收我240！
此場當然永不翻兜，不過都唔會公開店名！
(人老左要積點陰德！)
