各位想買電器既你地：請小心豐澤電器之無良陰招
話說本人於31/10 o係灣仔合和 fortress 買左部sony ericssion 音樂手機..明明話十日有壞包換，怎料聽聽下歌 hang 機，於是7/11囉返去 fortress想換，但職員陳先生(職員編號：082569)(五尺六寸高、瘦、戴方眼鏡、O係賣電話果 PART 出沒、冇 gel 頭)叫我囉上去 sony ericsson 證明部機係壞先肯換，於是8/11日去取機， se 幫我 upgrade 返個 software 話冇問題，但我九號再聽歌又 hang 過。(se 職員都話好少音樂手機會聽聽下歌 hang 機)
後來聽完友人意見，話百老匯都唔駛囉上 se果d，我10/11 下午1:30再去 fortress，今次位陳先生就首先屈我過左保養期：上個禮拜五他又話係第七日，但10/11禮拜一就變左第十一日，佢話：就算我誤導左你....你自己都有數得計啦! 但毫無歉意兼從來冇諗過幫我，好似部機壞左要佢 “un” 咁；
之後陳先生又話：你上個禮拜五有冇o係我面前 hang 機呀??我話你都冇叫我示範俾你睇，你直接叫我囉上 se炸喎，佢話：你冇 show 俾我睇即係證明唔到部機壞!依家已經過左保養期喇。
第三，因為買機都係佢 serve 我的..佢知道部機係人地幫我簽 card，佢囉起我張單同我講：部機就唔係你買既!一係咁啦!你叫 look card 果個人來到先再傾啦!我心諗..明明話跟單保養個喎
之後佢話：如果有咩問題，你打我地既hotline la!(態度極之惡劣)(2555 5788)
咁我走左，返到公司打hotline電話，問係唔係要俾錢果個人在場先有得保養，佢話退錢or 換款就要，我話我淨係想換部(新)冇壞既..佢話咁唔駛，我同佢講哂成個過程， hotline 同事都同我講今日係第十日，仲有得保，於是話打過去灣仔合和 fortress 了解；之後覆我，叫我囉部機過去證明到部機有問題就ok，我問佢 hang 機點控制，佢話：咁我幫唔到你!
大家..我想問..hang 機點控制???fortress 其實唔想換佢可以神早話冇保養! 點解佢要 浪費我咁多時間
唔好意思，依家入正題
夜晚放工，哥哥同我去 fortress，又遇返陳先生，佢同我地講過左十日，但其實真係要拗，根本就未過 240個鐘，而且hotline 同事都話未過十日，但佢話 hotline 果邊同事冇同過佢講(我唔知係一方講大話定兩方o係度扯貓尾)，又問佢叫咩名，叫我打上 hotline，但 hotline 同事已收工，我唔知打來有咩用! 過埋今晚佢就神仙，因為今日係保養既last day
之後我問佢：乜要俾錢果個人在場先保既咩? Hotline 同事唔係咁講，佢竟然話：我冇講過!
(由始至終， fortress 既同事已經有心拖我，就係拖到我過左保養期，唔想換俾我)
之後換左個 superisor過來，不斷重複又重複咁講差唔多既說話，浪費左我地近一個小時，佢終於肯換。
最失望係，保養期冇得由頭計過，即係我要承受新機係壞既呢個風險
出面度度都係換機既話保養期由頭計嫁啦，我都唔明點解 fortress 可以做得咁差
(之後仲話聽日先覆有冇得由頭計過，但出面度度都係由頭計過嫁啦)
11/11 佢覆返我地..話俾我地保養期由頭計過..好似皇恩浩蕩咁 =[
(懶係破例咁 )
各位，如果唔想俾人屈唔想煩，千祈唔好去 fortress 買野!
小心提防豐澤電器之無良陰招
