【管制即棄膠餐具／餐具禁膠／禁膠／走塑／塑膠】政府首階段管制即棄膠餐具措施，今日（22日）起實施，禁止堂食及外賣提供膠叉、膠刀丶膠匙、膠飲管、膠攪拌棒及所有發泡膠餐具。在上環一家賣買兩餸飯的店舖在午市時大排長龍，店家仍然採用發泡膠盒，而且餸和飯分開，一個外賣就用了兩個外賣盒，有顧客買飯後「走餐具」帶返公司才開餐。
亦有放飯的打工仔表示，曾使用連鎖餐廳的餐具吃豬扒飯，表示「切都切唔到」，但認為長遠而言措施有一定作用。
位於上環的一間兩餸飯，記者目測店舖仍然使用發泡膠餐盒，而約在中午十二時半，店舖一直持續有人龍排隊，店舖非常繁忙。
在附近上班的黃小姐表示，一星期一般都會光顧這間兩餸飯或大家樂。兩餸飯店舖基本上一星期大概有五日都會在這店舖36元兩餸飯，飯和餸會分開裝兩盒。由於會返回公司進食，因此她都會「走餐具」。
對於政府要走塑，她表示影響不大，但在大家樂買外賣時配有木餐具，惟她認為「唔好用⋯⋯都係返公司食，我係有餐具�H，我寧願佢唔好畀我。」她希望在應用程式可以選擇是否需要餐具。
她又指，「我食一哥豬扒飯，把刀根本切唔到⋯⋯無用�H。」故自己都會自備餐具，當餐廳提供餐具而又人多時，自己取回公司又會掉，變相更加不環保。她認為長遠而言措施有用，相對八月實行的垃圾徵費，寧願推「走塑」。
另一位以前住上環附近、由台灣嫁到香港40多年的賴小姐，今日因有事處理而路經上環，故光顧兩餸飯。她表示，平時都會自備餐盒，但因匆忙今日就沒有攜帶，「我叫佢唔使畀筷子我，佢又畀我。因為呢啲我哋自己拎返屋企我哋自己有。」
她表示，措施對她而言並沒有造成不方便，亦十分支持，「因為我哋要環保⋯⋯玻璃樽、膠樽，我覺得唔需要，因為呢個地球已經垃圾太多。」
平時她亦會將二手鞋、衣服等「仲係幾好�H嘢」捐到救世軍二手箱，而膠樽、玻璃樽等可回收物品都會分類放於住宅回收筒。
她有感「回收係應該做㗎嘛！每一個巿民都應該做，呢個係為咗我哋�H下一代再下一代、未來。」又提到台灣的回收工作做得好，要求垃圾不落地，嘆香港環保「（做得）太遲啦！」
她又指，自己都會向身邊的人宣導環保，稱「我哋係地球一分子⋯⋯冰山唔見哂、啲動物又唔見哂。」對於有不少人反映餐具難用，她就建議大家可自備餐具，「我覺得呢啲唔係好困難，係一個舉手之勞。」
同樣在附近上班的鄧小姐，認為這間兩餸飯便宜、方便及多菜而光顧。她表示，「嗰支（紙）飲筒係唔好用�H⋯⋯耐咗就會軟咗，你走塑無問題，但支飲筒真係唔好用。」她又指，「支叉又係篤唔到嘢�H。」她稱有不少餐廳都轉木或紙餐具，用餐體驗基本上都不太好。
https://www.hk01.com/article/1012589?utm_source=01articlecopy&utm_medium=referral
