財政司司長陳茂波今日（28 日）公佈新一份財政預算案，政府財赤達 1,016 億元，除了不再派消費劵，薪俸稅寬免上限也減半。《Yahoo 新聞》記者在午膳時份，到油麻地區兩餸飯店外詢問食客對預算案的看法，有 N 無打工仔不滿政府斥資增煙花表演的同時，卻減薪俸稅寬免，「我哋不停畀稅，但你都無咩畀返我哋」。
不願上鏡的陳太向《Yahoo 新聞》記者表示，她是納稅的「N 無人士」，不滿薪俸稅寬免減至上限 3000 元，「要交好多稅之餘，（政府）又用唔返喺納稅人身上，變咗每個月燒煙花燒咗落個海度」。她又對今年不再派消費券感到失望，過往消費券可用作購買日用品等日常開支，「都真係話少唔少，買吓餸都好，幫補吓」。對於政府為救樓市全面撤辣，她表示並無受惠，因暫時無力置業，「有無撤辣都唔太關我事，點都係買唔起」。總括而言，她認為預算案乏善足陳，「就係好嬲，我哋不停畀稅但你都無咩畀返我哋」。
增煙火表演「個個月整就浪費」
66 歲退休人士馮先生則稱，只有在差餉寬減的措施上受惠，「退咗休又唔使納稅，生果金又未有，如果無消費券就差唔多乜都無」。至於全面撤辣，他也不以為然，「樓我有喇，仲買做咩？」他「預咗」今年不再派發消費券，加上政府赤字逾千億，故「減甜」亦是意料中事，形容預算案「正常」發揮，「無乜驚喜，不過整煙花、無人機，個個月整就浪費，深圳啲人落嚟睇完就走，嘥咗啲錢」。
停派消費券「個心痛就痛啲」
財政預算案中向綜援、高齡津貼、長生津或傷殘津貼戶發放額外半個月津貼，領綜援的長者鄧先生稱「有半糧都 ok」，將會用作醫療及飲食開支，「可以買多個高級啲�H餸、精選�H餸，貴啲�H燜牛仔骨」。至於不再派發消費券，他形容：「個心痛就痛啲，不過都無計，政府都嗌窮，派少啲啦！都理解�H！」
https://hk.news.yahoo.com/%E8%B2%A1%E6%94%BF%E9%A0%90%E7%AE%97%E6%A1%88-2024%EF%BD%9C%E5%85%A9%E9%A4%B8%E9%A3%AF%E5%BA%97%E7%9A%84%E6%B0%91%E6%83%85-%E6%89%93%E5%B7%A5%E4%BB%94%EF%BC%9A%E4%BA%A4%E7%A8%85%E7%87%92%E7%85%99%E8%8A%B1%E8%90%BD%E6%B5%B7-%E7%B6%9C%E6%8F%B4%E6%88%B6%EF%BC%9A%E5%8D%8A%E7%B3%A7%E5%8F%AF%E8%B2%B7%E5%A4%9A%E5%80%8B%E9%AB%98%E7%B4%9A%E9%A4%B8%EF%BD%9Cyahoo-104037705.html
