荃灣區馬灣區議員譚凱邦被質疑作為環保觸覺總幹事，同發展商關係密切，涉嫌利益衝突，但譚凱邦回應指環保觸覺收任何商業機構�H捐款都唔會接受任何條件，過往亦曾因批評個別機構而導致捐款被抽起，但仍會堅持有需要就批評。
據知，有市民去信畀多名荃灣區議員，質疑譚凱邦作為環保觸覺總幹事，多年來藉活動收取各大地產商捐款，其中一名發展商係主要捐款者，而嗰個發展商亦同譚凱邦�H選區關係密切，指控該區�H巴士同渡輪近日服務質素下降，而譚只喺社交網站發通告，敷衍了事，質疑譚喺身份上有利益衝突，不宜再擔任區議員，要求區議會正視問題並作跟進。
稱有錯照鬧 唔受捐款機構影響 譚凱邦回應本報查詢時，指自己冇收到呢封信，而佢喺環保觸覺係義務工作，環保觸覺收任何商業機構�H捐款都唔會接受任何條件，過往亦曾因批評個別機構而導致捐款被抽起，但仍會堅持有需要就批評，對於馬灣�H交通，佢一直反對該區近日�H車船加價，亦有批評相關公司，更已相約運輸處開會。
但佢承認曾收受該發展商�H捐款，但對方絕對唔係主要捐款者，過往佢亦曾批評呢個發展商，而環保觸覺一直以來收到�H捐款來自三個部分，包括舉辦政府項目、公眾同商界，並無依賴單一機構捐助，而每個項目亦有公開列出捐款名單，唔會受捐款機構影響。
新聞來源
http://orientaldaily.on.cc/cnt/news/20171010/00176_089.html
