清朝曾經＂擊敗＂一個歐洲＂列強＂
翻開中國�H歷史，你可以見到二千年以來接近12個朝代。冇一個朝代好似清朝咁，系中國人心中深深刻上一道永遠�H刀疤。清朝自1839年�H鴉片戰爭之後，就開啓左一段比列強凌辱瓜分�H命運。但係，縱觀清朝咁多場同列強之間�H戰爭，弱到一個點�H清朝竟然＂打敗＂過歐洲＂列強＂。呢位歐洲列強就係-------意大利。
清朝系甲午戰爭比東方小矮人日本打到滿地找牙之後，引發列強瘋狂瓜分清朝：英、法、俄、德強佔租借地，爽到不得了。而系呢個時候，意大利都想分一杯羹，意大利心諗:「我話矖都係列強，冇理由得我一個睇住人爽架」。所以當時系魯迪尼（AIltonio di Rudini）第二屆內閣時期（1896年—1898年）開始打算整塊租借地玩下，但係真正付諸實行�H就要到佩魯（Pelloux）政府時期。系幾經商議後，意大利最終決定要奪取有軍事同經濟價值�H三門灣作為第一塊�H租借地。
正當意國大使浩浩蕩蕩提出租借三門灣�H時候，竟然比清朝一口拒絕。原來清朝早就睇穿意大利係歐洲列強中最弱果件，又唔係勁洗咩比面呢。意仔滿面春風行入總理衙門，但係就抱着一面灰咁走番出泥。哇 ! 比個扎辨老翁�H串法，咁我意大利王國重有面�H。意仔決定重施英國故技，玩番場「炮艦外交」派出三艘軍艦系三門灣獅子口海面浮遊一下。清朝見狀，即刻嚴厲遣責意仔無品。但係意大利恃着有艦隊在手，反咬清朝一口，意大利王國向清朝發出最後通諜，限清政府系四日之内接受意大利官方要求租出三門灣，如果唔係就直接派艦隊佔領三門灣，泥招霸王硬上弓。
但係通諜電報發出後，引起恐慌�H竟然唔係清朝，而係意大利政府。但點解會出現呢一場荒誕鬧劇呢 ? 原來因為當時系宣戰後，國內民眾鼓燥不安，更加因此引發社會動蕩。加上其實系意大利外交部發出最後通諜果陣，其實意大利政府係未做好戰爭準備 (例如主力艦隊、陸軍) 。另外，正所謂多個香爐多隻鬼，英、法列強又點會坐視自己在華利益受到損害呢，所以一定會干預意大利�H軍事行動。總括各種可能之後，意大利政府認為茂然進攻三門灣得不償失。因而決定命令當時�H外交大使馬迪訥暫停最後通報，但馬迪訥為人玩世不恭，根本就冇認真睇過份電報。
1899年3月10日清政府收到電報後竟然一反常態，火過辣雞，再次斷然拒絕。並且令兩廣、閩浙總督全力備戰，兩江總督提供軍隊同補給。10月，北洋水師葉祖珪率師南下，水師上下士氣高昂，決心一戰。另外，清政府背後有英、法兩位大佬級人馬撑腰。例如：法國將意大利打算佔領三門灣�H情報交比清朝、英國雖然冇表明支持與否，但對意大利行為保持負面態度。所以系國內外�H支持之下，無後顧之憂，全面迎戰意大利艦隊。
意仔再次大驚 ! 致電清政府，表明意大利完全冇強行吞併之心。並且系3月12日召番馬迪訥回國，佩盧首相系5月14日改組政府，撤換外交部長。意大利強租三門灣失敗，發完最後通諜之後又收番，可謂前無古人後無來者。意仔慘變歐洲笑料，近代一場意粉戰紀以失敗告一段落。
