本來食物出品質素未至於去到咁差
係因為人為因素
所以降到10分 (以100為滿分)
過程...
17-04-2017
八點幾 與友踏入此店
唔見知客唯有直入
入內自動叫場內幾位哥哥姐姐舉起三指話三位
其中一位正值吹緊水既姐姐原來係帶位
當時店內大把空枱
但係帶位姐姐叫我地出番去門口
我表明門口冇知客所以才直入
既然已經入到廳面而又有咁多空枱
可否直接安排入座呢？
唔得！！！
一定要出番去！
要企番門口等
出到門口未夠兩秒又叫番入去
就係安排頭先企正果張枱
咁即係有理冇理要做一個儀式
會唔會 (除褲放屁) 多此一舉呢
出品
小籠包唔錯
窩貼幾好
舂卷一般
排骨粗炒可以
砂窩津白差
湯好腥
舉手五六次手開埋口叫野冇人理
有兩個更加係明睇到都係咁
好公平
見到其他客舉手叫服務員亦有相同情況
最後好高興只係叫左第三次埋單終於有個六呎高既男侍應走埋尼肯聽下我地想要乜！
暫時唔會有機會再去
同時亦好高興見到尚點上海麵館請到班好伙計
每日幫老闆趕客
