共享單車遭破壞 香港乜架都丟晒！
好多香港人自命高人一等，郁吓就睇唔起內地人文明質素低下，話「香港不是中國」喎，事實啱啱相反，正如台灣藝人話事偈，大家都係中國人，有時真係唔使分得咁細㗎。
呢嗱，好似喺內地亂象多多�H智能單車共享服務咁吖，登陸香港不足一個星期，結果同樣烏煙瘴氣，租用程式爆出保安漏洞，懷疑將用戶信用卡等資料外洩呢筆唔講，好多新簇簇落地�H單車已經畀人搞到甩皮甩骨，斷威吔線有之、爛車尾燈有之，部分把手同軟膠更加不翼而飛，有啲更被人拆到得番棚骨。咁都未算，連日嚟起碼有四部單車畀人掟落城門河，驚動警方不特止，單車公司仲要加派人手喺停泊點巡邏，你話係咪離晒大譜吖？
香港人開口埋口話自己係國際大都會，今次好衰唔衰，單車公司創辦人正正係一名老外。佢話喎，自己喺香港生活近六年，一直認為香港係安全城市，直指今次恐怖事件會嚇到外國旅客卻步，今次香港乜架都丟清光喇！
講開又講，「共享單車」容許用戶透過手機程式廉價租賃單車，並且可以不限地帶隨意交還，既方便又環保，亦可鼓勵民眾強身健體，近年呢股風氣由外國吹入內地，淨係一河之隔�H深圳，就有三十萬部單車投入服務，可惜橘越淮而枳，有人偷零件變賣，有人惡作劇剪斷煞車鋼線靠害下一手；甚至有人無聊到一把火燒清光，「共享單車」淪為「共毀單車」，真係睇見都眼冤。唔少香港人睇到呢啲新聞，都抱住食花生睇好戲�H心態，勢估唔到只係五十步笑一百步，香港一樣七國咁亂！
對於今次掟單車事件�H內幕，有眾說紛紜，有人話係有勢力人士收取保護費，亦有人話係競爭對手所為，實情係點，當然要查清查楚至知，但唔理邊啲人做都好，呢啲破壞行為於法不容，用埋晒呢啲下三濫手段，盞影衰晒所有香港人�H咋。
不過大家都見怪不怪咯，香港人�H公德心水平同內地人都係一擔擔，淨係睇吓郊野公園，垃圾堆到漫山遍野都係，搞到有外國遊人睇唔過眼幫手執拾，簡直失禮死人；去到外國旅行，大聲喧嘩，旁若無人亦唔係「強國人」�H專利。早排網上有文章指港客喺日本購物，唔少人一樣係拖住個大篋碌嚟碌去，又成日放晒啲嘢喺路中心阻住出入，搞到當地人神憎鬼厭！
始終都係嗰句︰本是同根生，相煎何太急。今時今日中港兩地早就「一國一制」，上面有�H衰嘢我哋通通有齊，大家咪又係「醜陋的中國人」！
