本港近年爆發「移民潮」，不少港人都計畫移民到英美等地。一對年邁夫婦日前被兒子𠱁賣樓移民，怎料兒子及新抱在英國安頓好後，卻拒絕接兩老同住，突然「樓財兩失」。不少網民鬧爆該名兒子及其妻「為咗移民咩都做得出」，不過亦有網民認為兩老「自己攞嚟」！
有網民在網上討論區「親子王國」上，以「真係心酸，為咗移民呃咗父母層樓」為題發文，指日前從長輩口中得知，有一對年邁夫婦的大仔打算移居英國，並𠱁他們賣掉兩層樓，指錢到手後，他會與妻子先到英國安頓，再接兩老到當地居住。兩老同意兒子的做法，怎料新抱到英國後，竟向老爺奶奶表示「唔想你哋兩個過去一齊生活」，兒子亦沒有出聲，只默默聽從妻子的意見。
兩名老人家一下子「樓財兩失」，無家可歸，本打算投靠細女，但對方聽聞賣樓一事後便相當生氣，認為兩老偏心哥哥，將賣樓所得的錢全數給哥哥，故拒絕收留兩老。該對年邁夫婦最終「樓又冇，錢又冇，仔女都冇埋」。
帖文引起網民熱烈討論，不少人都認為該對老夫婦感到可憐，「啲人為咗移民真係咩都做得出」、「咁都做得出，有冇搞錯？」、「唉，畀外人呃都無咁傷」、「仲衰過電騙~又傷心又嬲」。不過亦有網民認為是該對老夫婦咎由自取，「可憐人必有其可恨之處，點會俾晒錢俾個仔？」、「唔覺慘，係蠢，親生仔不如近身錢」、「咁大件事都唔同細女商量下，畀我都嬲」。
https://std.stheadline.com/realtime/article/1550482/%E5%8D%B3%E6%99%82-%E6%B8%AF%E8%81%9E-%E7%B6%AD%E6%B8%AF%E6%9C%83-%E6%B8%AF%E7%94%B7%F0%A0%B1%81%E7%88%B6%E6%AF%8D%E8%B3%A3%E6%A8%93%E7%A7%BB%E6%B0%91%E8%8B%B1%E5%9C%8B-%E5%85%A9%E8%80%81%E6%AC%B2%E5%90%8C%E4%BD%8F%E8%A2%AB%E6%8B%92%E9%A0%93%E6%99%82%E6%A8%93%E8%B2%A1%E5%85%A9%E5%A4%B1
